ذكـــريـــآآتــي

يسعدلي مساكم جميعا ،وجعنا بعد هالغيبة الطويلة عن المنتدى ،

اليوم جايبة لكم مواقف لا تنسى من حياتي ، و أيام المدرسة و ما أدراك ما هي . كنت بنت مشاغبة من أمه

اخليكم مع المواقف ...


الاول : كان امتحان انجليزي و كان يومها متضايقة لدرجة اي كلمه اهف اللي جنبي والا بحصة الامتحان رفيجتي تناديني بصوت خفيف تقول : دلال ,, دلوول دلال ووجع
وانا مالي نفس كلش الا لفيت عليها وقلت لها : جب بس جب
والف عنها واخليها ههههههههه والبنت تضحك منصدمة : دلال تكفين مو اليوم الامتحان ماابي ارسب ههههههه .. والله لا حياة لمن تنادي ماكان لي نفس والله بس كل ماادكر الموقف اضحك ..


الثاني : ادكر لما ودونا المدرسة رحلة للمركز العلمي وكنا بالباص وانا جيت متاخرة ومافي مكان الا جنب المدرسة وانا بصراحة ابي عند البنات اقعد ههههه المهم والبنات يأشرون لي بمعنى احسن محد قال لج تتأخرين والثانية اللي تحرق اعصابي بحركاتها المهم نسسوا الموضوع واقعدوا يأشروون على البيوت وكل وحده تقول هدا بيتي ادا تزوجت والثانية تقول لها تعقبين بيتي انا وعيالي وانا خديتها فرصة ههههههههه قلت للمدرسة : شوفيهم يتهاوشون على بيوت ناس مو لهم لا يتضاربون بالباص هههههههههه وتقوم المدرسة تخلي وحده جنبها وانا رحت عند البنات ههههههههههههههههه .

الثالث : ادكر لما جبت مدرس خصوصي في البيت كان قاعد ويشرح والا يدشون علينا اخواني الصغار كانت اعمارهم 4 سنوات وخمس وداشين يبون يقعدون ويلعبون عندي وانا اقول للخدامة كانت قاعدة عندي طلعيهم والله مو راضين يطلعون والله خديت القلم وحدفته جنب اخوي الصغير بس بخرعهم وينحاشووون كلهم حتى الاستاد رفض يدرسني مرة ثانية مدري ليه مع انه كمل الحصة عادي بس اتوقع كنت وحشية حزتها وابي ادرس وبس ههه .

الرابع : هدي يوم انه مسافرين عمرة وقعدنا بالطايف ، ادكر لما دخلنا الطايف الكهرباء طفت هههههههههههههه والله وانا بالسيارة ضحكت قلت يبا هدا اول الخير واختي تقول : يالله لهدرجة نوري طفا الكهرباء ههههههه حتى لما دخلنا الفندق قال ردوا بعد ربع ساعة لين تفتح الكهرباء .


الخامس : فيه مكان بالطايف براحة كبيرة وفيها حصن و بعارين ودبابات كان بهداك اليوم الجو روعة ووناسة وشربنا عصير توت طبيعي وقعدنا نصور فيديو قعدتنا وسوالفنا و ناسة والله ..



يا كثر الدكريات اللي بالداكرة ... يا حلو أيامها ..