ياأأإإآآكثر ماتغلط ولاقلت وشفيكـ.....

عدد المساهمات : 57 تاريخ التسجيل : 25/09/2011

لاعاد تطريني ولاعاد بطريك
حبل الوصل بيني وبينك بقصّه

منيب صاير لعبتن بين اياديك
يكفي تراك اليوم بالحلق غصّه

ياكثر ماتغلط ولاقلت وشفيك
وان كنت ناسي جبت لك كم قصّه

منوّلن لبطيت روحي تناديك
وصفي انا وياك خاتم وفصّه

واليوم انا ماعاد لي رغبتن فيك
يحرم علي مثلك بحبّي اخصّه

دوّر على غيري عسى الله يهنّيك
وتلقى الذي يرفعك باعلا المنصّه

مانيب متضايق ولانيب باكيك
الله خلق بالكون مليون حصّه

هذا جوابي جاك من قلب ناصيك
واليا وصل عندك تمعّن بنصّه

ومابيك ترضيني ولاعاد برضيك
كلّن يشوف اللي بحاله يخصّه

وسلامتكم

Admin عدد المساهمات : 158 تاريخ التسجيل : 25/09/2011

قسم بالله خطيييييييرة
تجنن