لا صحت ضايق كلبوهم يعونك ..
صبآحكم / مسآئكم خير ~..
♥ ♥ ♥ ♥ ♥
فكر بعقلك لاتغمض جفونك
وأخذ النصيحه جعل ربي يخليك
لاشفت ناسن باللقى يمدحونك
أعرف ترى هرج القفا مايسليك
من يمدحك قدام عينك يخونك
ومن يمدحك بقفاك بالقلب شاريك
أحرص على اللي يضيق صدره بدونك
وأترك صديقٍ بالسعه دوم باغيك
بعض الصداقه للمصــــالح يبونك
وأليا خذا المطلوب قل وش يبي فيك؟
عليك في ربع السعد ينفعونك
لو واحدٍ منهم عن الناس يغنيك
لاصحت ضايق ! كلبوهم ياعونك
ولاغبت عنهم أرسلوا من يناديك
يرتاح لاشاف الفرح في عيونك
ويضيق لاشاف الحزن في حكاويك
أحدن على سر الصداقه يصونك
وأحدن على سر الصداقه حكى فيك
ربع الرخا لاضقت صعبه يجونك
وربع الشدايد واحدن بس يكفيك
منقووول ..
♥ ♥ ♥ ♥ ♥
موضوع: لآصحت ضايق كلبوهم يعوونكـ 
الثلاثاء أكتوبر 04, 2011 12:50 am
