قل غيرها واستوعب الجرح وارتاح
إلا الغياب وجـرح غيره عــوافــي
أمنتك الله لاتــجي نـيـة مـــــزاح
قصدك سفر وإلا إنت قصدك تجافي
مابينهــم من ينصف القلب لأ طــاح
وبالحالتين القلب خُبرك ســـنافي
علمت قلبي يشربك فرح واجراح
واستسهل الصعبات لجل التلافي
وعلمت قلبك ابجـــديات الأفـــــراح
والبست طاري سيرتك شعـر ضافـي
وعلمتك اسرار الهوى كيــف تجتاح
واتقنت دورك باجتــيآح الخوافي
الله من لــيـل كـتـبـتـك ولا بــــاح
بأســرار مـن جــدّل عـليـك القوافي
ويوم الغــلا زاد وتوســـط ولا زاح
ركزت في صدر الامــل رمــح كآفي
وش فيك سـاكت دلّــني باي مرواح
تنوي السفــر والدرب كله ســوافي
لاتنتظـــــر منـي على الفهــم لمّــاح
والبعــد عذره مايجي دووم وافـــي
سيحـت لك كل الخواطر ولا ســاح
خاطر حـبيـبك يوم جاك اعتــرافــي
لاينكــــسر في ليل الاماني مصباح
ويصير خاطر شـــاعرك منك طافي
صمـتــ(ن) طويل وياكثر زل الالحـاح
خــل الجفــآ عن بيض الايام غافــي
قل غيرها واستوعبك صح ياصـاح
إلا الوداع وجرح غيــره عــوافـــي
موضوع: قل غيرها واستوعب الجرح وارتاح 
الثلاثاء أكتوبر 04, 2011 1:53 am