وش الفايدة لا صارت رغباتنا قدامها سد

وش الفايدة لا صارت رغباتنا قدامها سد
تمنع فيض المشاعر يسقي للوصل بستان


يا مل قلب ٍ على صالي النار حمرا توجد
و الروح تاهت مابقى غير رسم إنسان


الحلم على صخرة عناد وقتي تبدد
و غدى صدري لسهم ردي الحظ نيشان


لا وهني من هو تمنى خليل له توسد
يشرب زلال الريق الشهد لا صار ضميان


يضم حضنه ليا من جفنه بنومه تسهد
لابان صبحة قلبه من الدفا حيل رويان


يهيم اللمس بجسم شع نور ال***جد
و تشبك كفوف الغزل أصابع لسان بلسان


لو هي باللي تمناني لقيت القلب يسعد
كثير منهو تمنى أنه يكون لي أقرب إنسان


و لو أني بنزوة شهوتي مثل زيت توقد
كان يقبل كل ليل و انا للغي شفقان


ماكل حضن به متعب الجفن يا شوق يرقد
كان بكل ليله لي حضن و لو قيل طفران


و ماكل شوف ٍ به العين يا الشوق تسعد
يا كثر شوف يتعب القلب و يصير مرضان


ما يغرني الزين بشين الطبع ثلج تلبد
روحي تحب روح يضمها الصدق وجدان


أبي أعيش بكل وقت بموتي بسعدي أردد
أنا شهيد الحضن اللي به العقل طربان


لو تنوصف بألماسة و كتلة من صافي عسجد
ما ترجح بعيني لا صار إحساسي حكم ميزان


وجدي على جديل كما الليل أجعد
يرقص طرب من دهنة العود سكران


أبي لين ضحكت تقل حمامة من الشفقة تنهد
و لين همست تقل بلبل تغنى على نود الأفنان


و لين لدت بعيونها ... قلت موتي أنا أشهد
و ليا تدللت يصير قلبي بكفها طفل جيعان


ليا وقفت كنها غصن فل من عز تمدد
و ليا جلست كنها على العرش سلطان


ليا كسيتها ماهي بمكساتي بخل تقدد

و ليا عطيتها ما جاء حجود و نكران


و ليا أطعمتها أثنت و امست تحمد
ما تشتكي تقول نمت و البطن جيعان


و ليا هديتها لهديتي بهاجوسها تمجد
تباهي بها بالبيض تقول هذي لها شان


و ليا طلعت حفظت بيتي زادٍ و مرقد
و ليا دخلت سبقها قلبها حيل ولهان


ماكل بيضاء بها ياشوق حزن يبدد
و ماكل سمراء تنظر لها عين حقران

أقف حاائرة عند طرواااحتكـ الابدااعية

يسلمو ياقلبي
فديتك